माजलगाव बसस्थानकात खिसेकापणाऱ्यास अटक; मुद्देमाल ही जप्त

• माजलगाव शहर पोलिसांची कारवाई

माजलगाव, दि.२६: शहरातील बसस्थानकातून प्रवाशाचा गर्दीचा फायदा घेऊन २२ हजार रुपये चोरणाऱ्या  चोरट्यांस माजलगाव शहर पोलिसांनी शोध घेत अटक करण्याची कामगिरी करत मुद्देमाल जप्त केला.

याबाबत अधिक माहिती अशी की, धनंजय किसनराव ताटे रा. परळी हे बसस्थानकातून प्रवास करत असताना गर्दीचा फायदा घेत. चोरट्यांनी त्यांच्या खिशातील २२ हजार रुपये चोरल्याची घटना घडली होती. याप्रकरणी ताटे यांच्या  नविन बस स्थानक माजलगाव येथुन बीड येथे जात असताना बस मध्ये चढताना गर्दिचा फायदा घेवुन अज्ञात चोरट्याने  २२ हजार रुपये चोरल्याची माजलगांव शहर पोलीस ठाणे येथे गुरनं. २०५/२०२५ कलम ३०२(२) बी.एन.एस.प्रमाणे अज्ञात चोरट्या विरुद्ध गुन्हा दाखल करण्यात आला.
    सदर गुन्ह्याचे तपासात सदरचा गुन्हा हा दत्ता ज्ञानेश्वर गुंजाळ रा. बलभीम नगर, पेठ बीड ता.जि.बीड याने कला आहे. त्यावरुन सदर इसमास ताब्यात घेवुन त्याचेकडे तपास केला असता त्याने सदरचा गुन्हा त्याचे साथीदार १) सचिन साठे २) चंदु गायकवाड दोघे रा. गांधीनगर बीड यांचेसह केला असल्याचे कबुली दिली. त्यास अटक करुन गुन्ह्यात गेलेला मुद्देमाल रोख २२ हजार  रुपये जप्त करण्यात आले आहेत.

सदरची कारवाई पोलीस अधीक्षक नवनित कॉवत, अंबेजोगाईच्या अप्पर पोलीस अधीक्षक श्रीमती चेतना तिडके, माजलगावचे उपविभागीय पोलीस अधिकारी निरज राजगुरु  यांचे मार्गदर्शनाखाली पोलीस निरीक्षक राहुल सूर्यतळ,  तुळशिराम जगताप, पो.ह.कृष्णा जायभाये, किशोर जाधव, बाळकृष्ण जायभाये. यांनी केली आहे.