तरुणांसाठी आनंदाची बातमी; राज्यात तलाठी पदासाठी 4 हजार 625 जागांची मेगाभरती !

झटपट बातमी :

गेल्या अनके दिवसांपासून राज्यातील लाखो तरुणांचं लक्ष लागून असलेल्या तलाठी पदाची भरती करण्याचे सरकराने अखेर जाहीर केले आहे. राज्यभरात 4 हजार 625 जागांची तलाठी पदासाठी मेगाभरती केली जाणार असून याबाबत आदेश देखील काढले आहेत.

दि.17 ऑगस्ट ते 12 सप्टेंबर २०२३ दरम्यान ही मेगाभरती होणार असल्याचे आदेशात म्हटले आहे. त्यामुळे स्पर्धा परीक्षेची तयारी करणाऱ्या तरुणांना मोठी आनंदाची बातमी आहे. यातून राज्यातील 4 हजार 625 विद्यार्थ्यांचं भवितव्य उजळणार आहे.
महाराष्ट्र शासनाच्या महसूल विभागाअंतर्गत तलाठी (गट-क) संवर्गातील एकूण 4 हजार 625 पदांच्या सरळसेवा भरती करता राज्यातील एकूण 36 जिल्ह्यात ऑनलाईन परीक्षा घेतली जाणार आहे. 17 ऑगस्ट ते 12 सप्टेंबर दरम्यान ही परीक्षा होणार असल्याचे आदेशात म्हटले आहेत.