आमदार पुत्र विरेंद्र सोळंकेसह दिग्गजांनी केले अर्ज दाखल
माजलगाव, दि.३: येथील कृषी उत्पन्न बाजार समितीची निवडणूक येत्या ३० एप्रिल २०२३ ला होणार आहे. आज उमेदवारी अर्ज दाखल करण्याचा शेवटचा दिवसाखेर एकूण १८ जागांसाठी १७२ जणांनी इच्छुकांनी आपले अर्ज दाखल केले. यात आमदार प्रकाश सोळंके यांचे पुत्र विरेंद्र सोळंके यांच्यासह दिग्गजांनी आपले अर्ज दाखल केले.
येथील कृषी उत्पन्न बाजार समितीची निवडणुक सत्ताधारी राष्ट्रवादी काँग्रेस विरूद्ध भाजपने चांगलीच कंबर कसली आहे. आज दि.३ सोमवारी उमेदवारी अर्ज दाखल करण्याचा अखेरच्या दिवसापर्यंत १७२ उमेदवारांनी आपले उमेदवारी अर्ज दाखल केले. एकूण १८ जागांसाठी निवडणूक होत असून यात व्यापारी मतदार संघात २ जागेसाठी २३ उमेदवारी अर्ज, हमाल माथाडी १ जागेसाठी १४ उमेदवारी अर्ज, ग्रामपंचायत ४ जागेसाठी ४४ उमेदवारी अर्ज, सेवा सहकारी संस्था ११ जागेसाठी ९१ उमेदवारी अर्ज दाखल झाले आहेत. असे एकूण १७२ उमेदवारांनी आपली उमेदवारी अर्ज दाखल केली आहेत. अर्ज छाननी दि. ५ एप्रिल रोजी होणार असून उमेदवारी माघार घेण्याचा अवधी हा दि.६ एप्रिल ते दि.२० एप्रिल २०२३ आहे.
आत्ता छाननी मध्ये किती उमेदवारी अर्ज छाननी मध्ये अवैध ठरतात तर किती उमेदवार आपले उमेदवारी अर्ज मागे घेतात. तर मतदान दि.३० एप्रिल २०२३ रोजी सकाळी ७ ते दुपारी ३ वा. होणार असून मतमोजणी ४ वाजता होणार आहे.
या दिग्गजांनी केले अर्ज दाखल
माजलगाव कृषी उत्पन्न बाजार समिती निवडणुकीसाठी प्रथमच राजकारणात प्रवेश करत असल्याचे संकेत आमदार प्रकाश सोळंके यांचे पुत्र विरेंद्र सोळंके यांनी देत अर्ज दाखल केला आहे. तसेच विद्यमान सभापती संभाजी शेजुळ, नितीन नाईकनवरे, जयदत्त नरवडे, अच्युत लाटे, निलकंठ भोसले, राजेंद्र होके आदी.