विवाहीत महिलेची गळफास घेऊन आत्महत्या

• माजलगाव तालक्यातील गुंजथडी येथील घटना

माजलगाव : विवाहित महिलेने रहत्याव घरात गळफास घेऊन आत्महत्या केल्याची घटना रविवारी रात्री ७ वाजण्याच्या दरम्यान गुंजथडी येथे घडली. या प्रकरणी माजलगाव ग्रामीण पोलीस ठाण्यात आकस्मात मृत्यूची नोंद करण्यात आली आहे.

याबाबत अधिक माहिती अशी की, तालुक्यातील गुंजथडी येथील विष्णू शहाणे यांच्याशी जयश्री हीचा सहा महिन्यापूर्वी विवाह झाला होता. अचानक जयश्री विष्णू शहाणे (वय २०) हिने राहत्या घराच्या आडूला गळफास घेऊन आत्महत्या केल्याची घटना रविवारी दि.१९ रोजी ७ वाजण्याच्या दरम्यान घडली. या प्रकरणी माजलगाव ग्रामीण पोलीस ठाण्यात अकस्मात मृत्यू ची नोंद करण्यात आली आहे. पुढील तपास सहाय्यक पोलीस निरीक्षक विजयसिंह जोनवाल हे करत आहेत.