ग्लोबल आडगाव चित्रपटासाठी अमेरिकेतील न्यू जर्सीचा ‘आंतरराष्ट्रीय बेस्ट राईटर अवॉर्ड’
मनोज कदम निर्मीत, अमृत मराठे सहनिर्मित बहुचर्चित मराठी चित्रपट ग्लोबल आडगाव चित्रपटाचे लेखक दिग्दर्शक अनिलकुमार साळवे यांना अमेरिकेतील न्यू जर्सी आंतरराष्ट्रीय मराठी फिल्म फेस्टिव्हलमध्ये The Best Writer अवॉर्ड मिळाला आहे.
2023 या नव्या वर्षात मराठी चित्रपटांना चांगले दिवस आले आहेत. रितेश देशमुख यांचं वेड ,परेश मोकाशी यांचा वाळवी हे सुपर हिट ठरले. त्या पाठोपाठ सिल्व्हर ओक फिल्म्स अँड एंटरटेनमेंट मनोज कदम निर्मीत अमृत मराठे सह निर्मीत आणि अनिलकुमार साळवे दिगदर्शी त मराठी चित्रपट ग्लोबल आडगाव देश विदेशात नावलौकिक प्राप्त करत आहे. आतापर्यंत 10 अंतरराष्ट्रिय चित्रपट महोत्सवात चित्रपटांची निवड झाली असुन दोन अंतरराष्ट्रिय पुरस्कार मिळाले आहेत. नुकत्याच झालेल्या अमेरिकेतील न्यू जर्सी या आंतरराष्ट्रीय चित्रपट महोत्सवात ग्लोबल आडगाव चित्रपट चे लेखक दिग्दर्शक अनिलकुमार साळवे यांना ‘बेस्ट रायटर अवॉर्ड ‘मिळाला आहे अमेरिकेतली या मानाच्या पुरस्कार मुळे मराठी चित्रपट सृष्टीत आणि जागतीक पातळीवर ग्लोबल आडगाव चित्रपट ची सकारात्मक चर्चा होतआहे.
अनिलकुमार साळवे यांना अमेरिकेतील महाराष्ट्र फाउंडेशन चा रां .श.दातार पुरस्कार ,युवक महोत्सवात 5 वेळा सांघिक पुरस्कार , माजलगाव भूषण पुरस्कार, समाज भूषण पुरस्कार आदींसह अनेक सन्मान प्राप्त झाले आहेत.
अनिलकुमार साळवे यांनी या पूर्वी 4 लघुपट दिग्दर्शीत केले आणि 39 एकाकींक लिहिल्या,6 नाटक 12, पथनाट्य लिहिली आहेत. 15ऑगस्ट लघुपटास प्रभातचा व्ही शांताराम, दादासाहेब फाळके, लंडनचा न्यू लिन बेस्ट film अवॉर्ड असे 91 आंतरराष्ट्रीय पुरस्कार प्राप्त झाले आहेत. ग्लोबल आडगाव चित्रपटांसाठी अशोक कानगुडे या अभिनेत्यास अजंठा वेरूळ आंतरराष्ट्रिय चित्रपट महोत्सवात बेस्ट सहायक अभिनेता पुरस्कार मिळाला. शेतकरी पुत्र असलेल्या आणि राष्ट्रीय उद्योजक्ता पुरस्कार विजेता उद्योजक मनोज कदम यांनी ग्लोबल आडगाव चित्रपट ची निर्मिती केली आहे. या चित्रपटात ग्रामीण संवाद म्हणी, यांचा सुरेख वापर केला आहे. कथेला पुढें घेऊन जाणारी गाणी आहेत..
‘ग्लोबल आडगाव’ हा बहुआयामी लेखक आणि पुरस्कार विजेते व्यक्तिमत्व डॉ.अनिलकुमार साळवे दिग्दर्शित एक बिग-बजेट चित्रपट आहे. अभिनेता प्रा.डॉ. सिद्धार्थ तायडे यांनी सहदिग्दर्शन केले आहे.
पुणे आंतरराष्ट्रीय चित्रपट महोत्सवासह
‘ग्लोबल आडगाव’ हा चित्रपट कोलकाता आंतरराष्ट्रीय चित्रपट महोत्सवात निवडण्यात आला आहे. तसेच अधिकृतपणे न्यू जर्सी इंटरनॅशनल फिल्म फेस्टिव्हल अमेरिका साठी निवडला आहे.या चित्रपटास देश-विदेशातील नामवंत प्रेक्षकांनी उत्स्फूर्त प्रतिसाद दिला आहे.नुकत्याच संपन्न झालेल्या अजंता_एलोरा आंतरराष्ट्रीय चित्रपट महोत्सवात अशोक कानगुडे याला सर्वोत्कृष्ट सहाय्यक अभिनेता पुरस्काराने गौरविण्यात आले आहे. पुणे आंतरराष्ट्रीय चित्रपट महोत्सव हा जगातील प्रसिद्ध चित्रपट महोत्सवापैकी एक प्रतिष्ठित चित्रपट महोत्सव आहे.या महोत्सवात प्रेक्षकांना ग्लोबल आडगाव चित्रपट टाने चांगलीच भुरळ घातली.महाराष्ट्र शासन आयोजित यशवंत आंतरराष्ट्रीय चित्रपट महोत्सवातही ग्लोबल आडगावची निवड झाली आहे.
या चित्रपटात सुप्रसिद्ध अभिनेता सयाजी शिंदे, उषा नाडकर्णी, उपेंद्र लिमये, अनिल नगरकर, सिद्धी काळे, शिवकांता सुतार, अशोक कानगुडे, महेंद्र खिल्लारे, रौनक लांडगे, अनिल राठोड, संजीवनी दिपके, डॉ. सिद्धार्थ तायडे, साहेबराव पाटील,प्रदीप सोळंके, रानबा गायकवाड, विष्णू भारती,जालिंदर केरे, विक्रम त्रिभुवन,विष्णू चौधरी, परमेश्वर कोकाटे, प्राजक्ता खिस्ते, आशिर्वाद नवघरे, प्रियंका सदावर्ते, जगदीश गोलहार, ऋषिकेश आवाड विक्की गुमलाडू, मंगेश तुसे यांच्या प्रमुख भूमिकेत आहेत. प्रख्यात गायक आदर्श शिंदे , डॉ. गणेश चंदनशिवे आणि जसराज जोशी यांनी गीतांना स्वरसाज चढविला आहे. प्रसिध्द गीतकार डॉ.विनायक पवार, प्रशांत मांडपुवार, अनिलकुमार साळवे यांच्या गीतांना समीक्षकांचा उदंड प्रतिसाद लाभला आहे. प्रशांत जठार, निर्मिती व्यवस्थापक सागर देशमुख, छायाचित्रण गिरीश जांभळीकर, संगीत विजय गावंडे, ध्वनी विकास खंदारे, कलादिग्दर्शन संदीप इनामके, संकलन श्रीकांत चौधरी, डीआय दिशा रंगालय, मेकअप मंगेश गायकवाड यांनी केला आहे.
‘ग्लोबल आडगाव’ या सिनेमांमधून शेती, माती, ग्रामसंस्कृती त्याचबरोबर ग्लोबलायझेशनच्या विळख्यात अडकलेला शेतकरी, ग्लोबलायझेशन मुळे शेतीचे झालेले नुकसान अशा महत्त्वाच्या विषयावर या सिनेमाच्या माध्यमातून भाष्य करण्यात आलेले आहे. शेतीची झालेली दुर्दशा सिनेमाच्या माध्यमातून प्रेक्षक बघत असताना प्रेक्षक आपल्या डोळ्यातील पाण्यांना थांबू शकत नाही अशा अत्यंत भावनिक, संवेदनशील आणि महत्त्वाच्या विषयाला या सिनेमाच्या माध्यमातून स्पर्श करण्यात आलेला आहे.