माजलगाव : वडवणी येथील रामबाग कॉलनी येथून दिड लाख रुपये किमतीचा गुटखा पकडल्याची कारवाई IPS डॉ.बी. धिरज कुमार यांच्या पथकाने गुरुवारी दुपारी २ वाजता केली. या कारवाईमुळे आत्ता गुटखा माफियांच्या धाबे दणाणले आहेत.
याबाबत अधिक माहिती अशी की, वडवणी येथील ईश्वर चंद्रमोहन टकले (वय- ४३ वर्षे) रामबाग कॉलनी (राम मंदिर जवळ) यांच्या कडून गुरुवारी दुपारी २ वाजता IPS डॉ. बी. धिरज कुमार यांच्या पथकाला मिळालेल्या माहितीवरून छापा मारण्यात आला. यावेळी त्यांना आर. एम. डी पान मसाला, राज निवास सुंगधीत पान मसाला, एम.डी सेन्टड तंबाखु गोल्ड, हिरा पान मसाला आढळून आला. ज्याची अंदाजे किंमत १ लाख ५७ हजार ३२० रुपये आहे.
पोलीस हवालदार रवि शंकरराव राठोड यांच्या फिर्यादीवरून आरोपी ईश्वर चंद्रमोहन टकले याच्या विरुद्ध गुरुवारी वडवणी पोलीस ठाण्यात मानवी आरोग्याला अपायकारक असा महाराष्ट्र शासनाने प्रतीबंधीत केलेला अन्नपदार्थ गुटख्या सह मिळून आला म्हणुन गुन्हा दाखल करण्यात आला. पुढील तपास सहाय्यक पोलीस निरीक्षक कांगुणे हे करत आहेत